Eine unbekannte Freundin hat Heute Liebeskummer...
On' Amisa mingamò cognossuda la gh'ha'l Magon Incoeu... Pora Tosa... La gh'ha di Problema cont el Moros e la sent sola soletta e trist de morì... I toeu Problema Mí i cognossi minga, cara Anahí, inscí com anca ti a te cognossi minga, ma sont segur che quell che Ti te sentet in de'l tò Coeur a l'è 'n Magon sinzer e grav. La Vida, di Voeult, l'è proppi grama e el Ceel l'è gris... Se te se troeuvet in d'on Moment de Desperazion, parlem a mi: anca se te cognossi nò, mi te doo a trà volentera. :-) In del menter, già che ti te seet na bella Tosa, te scrivi on Quajcoss che'l te revarda, che magara'l te trarrà su on cicininn: Ti te seet el "Bas de la Lunna", e la Lunna l'è'l Simbol di Tosann. :-) Anem, Anahi, Doman el vegn su 'ncamò el Sô! :-) Te spedissi delonsg on Bas in su la Ganassa! :-)
De Sira quand che'l Sô el va giò, mi me vegn la Brusa de fà 'n quajcoss,
perchè la Nott la cria foeura 'l me Nomm bell fort.
Alora gh'ho proppi de 'ndà foeura de Cà e fà 'n Quajcoss,
già che tanta foo minga Cunt de indormentamm:
Mí e Tí: se troeuvem in di Stráa voeuj e la Nott l'è giovena: inscí 'ma Numm!
Incoeu el gh'è la Lunna pienna e la Nott la cria foeura'l mè Nomm bell fort,
ven a ballà insemm a mí, e mí a te daroo on Basin!
Incoeu el gh'è la Lunna pienna! La Lunna pienna!
L'Incantesem el dura domà na Nott,
e Numm ballem fin al Ciaror de'l noeuv Dí,
e poeu, insemma, Numm sgorem fin in su la Lunna!!!
Incoeu el gh'è la Lunna pienna e la Nott la cria foeura'l mè Nomm bell fort,
ven a ballà insemm a mí, e mí a te daroo on Basin!
Incoeu el gh'è la Lunna pienna! La Lunna pienna!
Montag, 28. Januar 2008
Vess al Mond, di voeult, el voeur dì veggh el Magon...
Abonnieren
Kommentare zum Post (Atom)
9 Kommentare:
S'ciao Franc!!!
Grazie per i tò belissim parol... Me gheet fa contenta! On basin anca per tì!!!
Cmq hinn cos che passen tucc.. Adèss el va mej, ma ghavevi de mandà foeura tutta la ràbia... :D
Te abrasi, Anahí :)
De Negott!
Sont content che sont stáa bon de tratt su 'n cicininn!
Ti te seet proppi brava, te seet: Ti te cognosset tant Lengov!
El Galizzian a l'è pussee vesin a'l Portoghes o a'l Ispagnoeu?
Scusem la mía 'Gnoranza! :-)
Te rengrazzi per l'Abbrazz!
Franc :-)
...mir scheint,ich muss dringend noch eine fremdsprache lernen,damit ich hier auch etwas verstehe ;-) :-)
Ma che bell: gh'è on quajvun d'alter ch'el voeur imprend el Milanès ?
mì parli ben el Todesch ?
ma te seet segur ?
varda che sont on poo inrugginida !!!
fòrsi el saria pusse mej in Ingles :D
Ma... Me paría d'avè capíi inscí, d'avè capíi che ti el Todesch t'heet'l cognosset de bon...
Varda chí de sota on tò Post d'on quaj Dí adrée:
"El mè blog l'è minga in Todesch anca se mì el cognossi de bon ....
me pias la lingua Todescha :D"
De bon Cunt Lee la parla anch l'Ingles e la ma díi che ghe piasaria parlatt insemma, se Ti te ghe n'heet Voeuja. :-)
Domanda:
a che Vora l'è che Tí te seet collegada a l'Internet, de solet?
Sì scosomm, l'è vera, ma me son spiegada mal.
El cognossi de bon nel sens che l'hoo studiaa vòtt agn fà ma adsedess l'è de on poo ch'el parli nò e foo ona cabarettada de error.
L'è pussee mej in ingles.
Purtròpp sora l'Internet ghe son per el lavoreri de la mattina ai 9 or finna ai 15 or del dopomezdì. Poeu voo a scoeura a toeu el mè fioeu e inscì, dervi puu el computer.
Kommentar veröffentlichen